ოკუპირებული აფხაზეთის დე ფაქტო გენერალური პროკურატურა ე.წ. საპრეზიდენტო კანდიდატის ასლან ბჟანიას ავადმყოფობის საქმეზე პროცესუალური შემოწმების შედეგების შესახებ იუწყება. „სპუტნიკის“ ინფორმაციით, სოჭის ქალაქის საავადმყოფოსა და კრასნოდარის ნომერ პირველი საავადმყოფოს რვა ექიმი დაკითხეს, სადაც 2 მარტს ბჟანიას ჰოსპიტალიზაცია განხორციელდა.

„მედპერსონალის განცხადებით, არსებული ლაბორატორიული მონაცემებით, ბჟანიას ორგანიზში გარეგნული ტოკსიკოლოგიური ზემოქმედების ნიშნები არ არის და ავადმყოფობა გამოიწვია მედიკამენტის არასასიამოვნო ზემოქმედებამ“, - ნათქვამია ე.წ. გენერალური პროკურატურის ვებ-ვერდზე განთავსებულ ინფორმაციაში.

მათივე ინფორმაციით, დანაშაულის შესახებ ინფორმაციის გადამოწმების შედეგად დადგენილია ძირითადი კლინიკური დიაგნოზი „ორმხრივი პოლისეგმენტარული ასპირაციული პნევმონია, მძიმე მიმდინარეობით“.