ამირან გამყრელიძის ინფორმაციით, კორონავირუსის 24-ე შემთხვევა იტალიასთან არის დაკავშირებული

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, საქართველოში კორონავირუსით დაინფიცირების 24-ე შემთხვევა იტალიას უკავშირდება.

მისი თქმით, პაციენტის ჯანმრთელობის მდგომარეობა ნორმალურია.

„ვადასტურებ, რომ დადასტურდა კორონავირუსის 24-ე შემთხვევა, ლუგარის ცენტრში დაახლოებით საათნახევრის წინ. გიდასტურებთ, რომ ეს შემთხვევა გარკვეულად არის დაკავშირებული იტალიასთან, მაგრამ პერსონალურ ინფორმაციას ახლა მე ვერ გავამჟღავნებ, რადგან გარკვეული წესია, როგორ უნდა მივიდეს შეტყობინება ადამიანთან, საავადმყოფოსთან და ა.შ. როდესაც შეტყობინება მივა, ამის შემდეგ იქნება მეტი ინფორმაცია.

მდგომარეობა ნორმალურია, ადამიანი კლინიკურად კარგად არის“,-განაცხადა გამყრელიძემ.

მისივე თქმით, საქართველოში კორონავირუსით დაინფიცირებული პაციენტების უმრავლესობის ჯანმრთელობის მდგომარეობა დამაკმაყოფილებელია, მხოლოდ ერთის მდგომარეობა არის საყურადღებო.

ცნობისთვის, დღეს ქვეყანაში კორონავირუსით ინფიცირების ერთი ახალი შემთხვევა დადასტურდა, შესაბამისად, დადასტურებული შემთხვევების რიცხვი 24-მდე გაიზარდა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი