აშშ-ის პრეზიდენტი დონალდ ტრამპი მიიჩნევს, რომ კორონავირუსის გლობალური ეპიდემიის პირობებში მიზანშეწონილია, თუკი ტოკიოს 2020 წლის ოლიმპიადის ორგანიზატორები ღონისძიების ერთი წლით გადადებაზე იფიქრებენ.

როგორც ტრამპმა აღნიშნა, მაყურებლების გარეშე ოლიმპიადა ვერ წარმოუდგენია.

„ვერ წარმომიდგენია ოლიმპიადა ხალხის გარეშე. ეს მხოლოდ ჩემი აზრია, რომ თუ შესაძლებელია, ერთი წლით გადადონ. ეს უკეთესი ალტერნატივაა, ვიდრე ხალხის გარეშე ჩატარება“, - განაცხადა ტრამპმა. ტოკიოში ოლიმპიადა 24 ივლისიდან 9 აგვისტომდე პერიოდშია დაგეგმილი.