ოკუპირებულ აფხაზეთში 22 მარტს დაგეგმილ ე.წ. არჩევნებს რუსი დამკვირვებლები აღარ დააკვირდებიან. გავრცელებული ცნობებით, აღნიშნულის მიზეზი ფედერაციის საბჭოს გადაწყვეტილება გახდა, რომელიც თანამდებობის პირებს პანდემიის გამო ქვეყნიდან გასვლას უკრძალავს.

„ყველამ იცის, რომ პანდემია გამოცხადდა მთელ მსოფლიოში. ამას მსუბუქად ვერ შევხედავთ. კორონავირუსის საშიშროება დიდია ევროპაში. საორგანიზაციო კომიტეტმა ამჯერად არ მიიწვია უცხოელი დამკვირვებლები, მაგრამ არჩევნებს არ გავაუქმებთ, ”- აცხადებენ დე ფაქტო კომიტეტში.

ცნობისთვის, ე.წ. არჩევნები ოკუპირებულ აფხაზეთში 22 მარტსაა ჩანიშნული. მასში მონაწილეობას სამი ე.წ. კანდიდატი იღებს.