ესპანეთში ბოლო 24 საათის განმავლობაში კორონავირუსით 1 500-ზე მეტი ადამიანი დაინფიცირდა და საერთო ჯამში, ქვეყანაში დაავადებულთა რიცხვმა 5 753 შეადგინა. გავრცელებული ინფორმაციით, დაინფიცირებულებს შორის 3 000 დედაქალაქ მადრიდში იმყოფება.

ბოლო მონაცემებით, ესპანეთში კორონავირუსს 136 ადამიანი ემსხვერპლა. 13 მარტს ესპანეთის პრემიერ-მინისტრმა პედრო სანჩესმა ქვეყანაში საგანგებო მდგომარეობა გამოაცხადა, რაც ხელისუფლებას საშუალებას მისცემს გარკვეული დაწესებულებები დახუროს. აღსანიშნავია, რომ ევროპაში იტალიის შემდეგ ესპანეთში კორონავირუსის ყველაზე მეტი შემთხვევა ფიქსირდება.

იხილეტ ვიდეო: ესპანეთში ბოლო 24 საათის განმავლობაში კორონავირუსით 1 500-ზე მეტი ადამიანი დაინფიცირდა