რუსთავის ბაგა-ბაღებში არდადეგების პერიოდში გამოუყენებელი საკვები პროდუქტი, ქალაქში არსებულ უფასო სასადილოებს გადაეცა.
როგორც ,,ინტერპრესნიუსს" ბაგა-ბაღების გაერთიანებაში განუცხადეს, პროდუქტი, რომელიც მალფუჭებადია და მარტის თვეში უნდა გამოყენებულიყო, უფასო სასადილოებზე უკვე გადანაწილდა, არამალფუჭებადი საკვები პროდუქტის გადანაწილების პროცესი კი ხვალ დასრულდება.
ახალი კორონავირუსის შესაძლო გავრცელების პრევენციის მიზნით, რუსთავის სკოლამდელი დაწესებულებაში სასწავლო პროცესი შეწყვეტილია. 21-ივე ბაგა-ბაღში სადეზინფექციო სამუშაოები პერმანენტულად ტარდება.
