საქართველოს პარლამენტის ეროვნული ბიბლიოთეკა 1-ელ აპრილამდე მუშაობას აჩერებს. როგორც „ინტერპრესნიუსს“ საქართველოს პარლამენტის ეროვნული ბიბლიოთეკიდან აცნობეს, ამ პერიოდში ბიბლიოთეკა მკითხველებს ვერ მოემსახურება და დაგეგმილ ღონისძიებებს წყვეტს. მათივე ინფორმაცით, ადმინისტრაცია მუშაობას აგრძელებს.

ეროვნული ბიბლიოთეკის დირექტორის გიორგი კეკელიძის განცხადებით, დღეიდან ყოველდღე, 10:00 საათზე, ბიბლიოთეკის შესასვლელთან ხუთი წიგნი დახვდება მომხმარებელს.

„ბოდიში, რომ ვერ შესაბამისად გემსახურებით, მაგრამ დღეიდან ყოველდღე, დილით 10 საათზე, ბიბლიოთეკის შესასვლელთან (გუდიაშვილის 7) ამ წიგნის სახლუკაში, თქვენ ხუთი წიგნი დაგხვდებათ ეკვილიბრიუმის ფონდიდან, წაიღეთ და ნუ დააბრუნებთ. იკითხეთ სახლში. მადლობა თქვენ მოთმინებისთვის! მადლობა ექიმებს გამძლეობისთვის! კორონა წავა მალე!“ აცხადებს კეკელიძე.