„თავისუფალი საქართველო“ კომერციულ ბანკებს მოუწოდებს მეტი ჰუმანურობა გამოიჩინონ

„თავისუფალი საქართველო“ კომერციულ ბანკებს მოუწოდებს ქვეყანაში შექმნილი ვითარების გათვალისწინებით უკიდურეს გაჭირვებაში მყოფი საქართველოს მოსახლეობის მიმართ, მიუხედავად იმისა ისინი ბანკის პრობლემური კლიენტები არიან თუ არა, მეტი ჰუმანურობა გამოიჩინონ. ამის შესახებ „ინტერპრესნიუსს“ პოლიტიკური გაერთიანება „თავისუფალი საქართველოდან“ აცნობეს.

პარტიის წარმომადგენლების განმარტებით, „თავისუფალმა საქართველომ“ მიიღო ინფორმაცია ქუთაისში, განათლების ქუჩაზე მცხოვრები 86 წლის ქალბატონისაგან, რომ მას, ერთ-ერთი ბანკის მოთხოვნით, რომელსაც ამ ეტაპზე შეგნებულად არ ასახელებენ, ელექტროენერგიის და ბუნებრივი აირის მიწოდება შეუწყდა.

„მოხუცი ქალბატონი ერთადერთ საცხოვრებელში, რომელიც ბანკმა იძულებით აუქციონზე შეიძინა, შეზღუდული შესაძლებლობების მქონე შვილიშვილთან ერთად ცხოვრობს. კომუნალური მომსახურების შეწყვეტა კი, არა გადასახადის გადაუხდელობის, არამედ ბანკის წინაშე სასესხო დავალიანების გამო მოხდა. საინტერესოა, რომ როდესაც კორონავირუსის ეპიდემიის წინააღმდეგ ბრძოლაში საჯარო და კერძო სექტორი სხვადასხვა ინიციატივებით გამოვიდნენ, ერთ-ერთი პირველი სწორედ ზემოთ ხსენებული ბანკი იყო“,- აცხადებენ „თავისუფალი საქართველოს“ წარმომადგენლები.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი