ჯანდაცვის მსოფლიო ორგანიზაციის ექსპერტები აფხაზ სპეციალისტებს კონსულტაციებს გაუწევენ. „სპუტნიკის“ ინფორმაციით, ამის შესახებ ოკუპირებული აფხაზეთის დე ფაქტო საგარეო უწყება იუწყება.
ჯანდაცვის მსოფლიო ორგანიზაციის წარმომადგენლებმა ოკუპირებულ აფხაზეთში 500-ზე მეტი კომპლექტი პერსონალური მოვლის საშუალებები, 600 ლიტრზე მეტი ანტისეპტიკური საშუალება და 500 ლიტრამდე ანტიბაქტერიული საპონი ჩაიტანეს.
„ჩვენთვის ძალიან მნიშვნელოვანია, რომ ჯანმო - ს რეკომენდაციები კორონავირუსის გავრცელების თავიდან ასაცილებლად მიეწოდოს ხელმძღვანელობას, რათა შევძლოთ მოცემული რეკომენდაციების საფუძველზე მიღებული იყოს გადაწყვეტილებები და ვიმოქმედოთ იმ მოთხოვნებისა და ნორმების შესაბამისად, რომლებსაც შემოგვთავაზებენ“, - აღნიშნა დე ფაქტო მინისტრმა დაურ კოვემ.