პაატა ბურჭულაძის შვილების ოფისში, საგამოძიებო მოქმედებები მიმდინარეობს, რომელიც სავარაუდოდ, კორონავირუსთან დაკავშირებით ცრუ სმს შეტყობინების გაგზავნას უკავშირდება

მსოფლიო ბანის პაატა ბურჭულაძის შვილების ოფისში, რომელიც თბილისში, ჭავჭავაძის გამზირზე მდებარეობს, სამართალდამცავები საგამოძიებო მოქმედებას ასრულებენ. აღნიშნულის შესახებ „ინტერპრესნიუსს“ ბურჭულაძეების ადვოკატმა მიხეილ რამიშვილმა განუცხადა.

როგორც რამიშვილი აღნიშნავს, სამართალდამცავები საგამოძიებო მოქმედებას ზოგადი განჩინების საფუძველზე ატარებენ და მისთვის უცნობია, თუ რას შეიძლება ეს უკავშირდებოდეს.

„განჩინების საფუძველზე მიმდინაროებს საგამოძიებო მოქმედება, კომპიუტერში რა მასალაა, ამას ეძებენ და ვნახავთ, რასთანაა ეს ყველაფერი დაკავშირებული. განჩინება არის ზოგადი, რომ კომპიუტერიდან ყველანაირი სახის ინფორმაცია უნდა ამოიღონ. ჩვენ უნდა ვიცოდეთ, რასთან გვაქვს საქმე და რას ითხოვენ. დაკავების საფუძველს ვერ ვხედავ. თუ დაკავება მოხდება, მაშინ ყველაფერი მიზანმიმართულია“, - განაცხადა რამიშვილმა.

არსებული ინფორმაციით, ბურჭულაძეების ოფისში საგამოძიებო მოქმედებები კორონავირუსთან დაკავშირებულ ცრუ შეტყობინებების გაგზავნას უკავშირდება.

იხილეთ ვიდეო: სპეცოპერაცია პაატა ბურჭულაძის ვაჟების ოფისში - გამოძიება მათ სავარაუდოდ, კორონავირუსთან დაკავშირებით პანიკის შემცველი შეტყობინების გაგზავნას ედავება

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია