საქართველოს პრეზიდენტი სალომე ზურაბიშვილი პარლამენტში სიტყვით გამოვა. პრეზიდენტმა, ქვეყნის მთელ ტერიტორიაზე დღეს საგანგებო მდგომარეობა ოფიციალურად გამოაცხადა. საგანგებო მდგომარეობის გამოცხადების შესახებ პრეზიდენტის ბრძანება პარლამენტმა უნდა დაამტკიცოს. საგანგებო მდგომარეობა 21 აპრილამდე შენარჩუნდება.

პრეზიდენტი საქართველოს პრემიერ-მინისტრის წარდგინების საფუძველზე ასევე გამოსცემს დეკრეტს, რომლის შესაბამისად, საქართველოს ტერიტორიაზე საგანგებო მდგომარეობის მოქმედების ვადით შეიზღუდება საქართველოს კონსტუტიციით განსაზღვრული მთელი რიგი უფლებები, მათ შორის: გადაადგილებისა და მიმოსვლის, საკუთრების, შეკრებისა და თავშეყრის უფლებები; საჯარო სერვისების მიწოდების შესაძლებლობა.ამ დეკრეტით გათვალისწინებულია საგანგებო რეჟიმის დარღვევის ადმინისტრაციული და სისხლის სამართლის პასუხისმგებლობის სანქციები.