რომან გოცირიძე - საგანგებო მდგომარეობის სრულად შესრულებაზე პასუხისმგებლობა ეკისრება მთავრობას - მზად ვართ, ჩვენი გამოცდილება გავუზიაროთ

„ნაციონალური მოძრაობა“ მხარს უჭერს საგანგებო მდგომარეობის გამოცხადებას. მზად ვართ, ხელისუფლებას გავუზიაროთ ყველა გამოცდილება, რომელიც გაგვაჩნია, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ საგანგებო სხდომის დასრულების შემდეგ განაცხადა. მისი თქმით, „ნაციონალურ მოძრაობას“ 2008-2009 წლების მსოფლიო ფინანსური კრიზისის დაძლევის გამოცდილება აქვს და მზად არის, საკუთარი გამოცდილება ამჟამინდელ ხელისუფლებას გაუზიაროს.

„ნაციონალური მოძრაობა“ მხარს უჭერს საგანგებო მდგომარეობის გამოცხადებას. ეს დღეს არის ის აუცილებელი ნაბიჯი, რომელმაც უნდა უზრუნველყოს მომავალში ქვეყნის ჯანსაღი განვითარება, უკვე ჩამოშლილი ეკონომიკის ფეხზე დაყენება, მისი რეაბილიტაცია და შემდგომი წინსვლა. საგანგებო მდგომარეობის სრულად შესრულებაზე პასუხისმგებლობა ეკისრება საქართველოს მთავრობას. ჩვენ, „ნაციონალური მოძრაობა“, მზად ვართ, ჩვენს ქვეყანას ყველანაირად დავუდგეთ მხარში. ჩვენ ვართ პარტია, რომელსაც ძალიან დიდი გამოცდილება აქვს, მათ შორის ხელისუფლებაში ყოფნისა და ამ ქვეყნის სწორი, ევროპული მიმართულებით დაყენებისა. ჩვენ გვაქვს გამოცდილება 2008-2009 წლების მსოფლიო ფინანსური კრიზისის დაძლევისა იმ უმძიმეს ვითარებაში, როდესაც ქვეყანაში საომარი მოქმედებები იყო და როდესაც მთელ მსოფლიოში ფინანსური კრიზისი მძვინვარებდა. ჩვენ ამ უმძიმესი ვითარებიდან გამოვედით მყარი ლარით, ძლიერი ეკონომიკით, რომელმაც 1 წლის შემდგომ კვლავ შეძლო დინამიური განვითარება. - განაცხადა გოცირიძემ.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა