ოკუპირებული აფხაზეთის ე.წ. მოქმედი „პრეზიდენტი“ და პრემიერ-მინისტრი ვალერი ბგანბა ე.წ. საპრეზიდენტო კანდიდატს, ასლან ბჟანიას „არჩევნებში“ მიღწეულ წარმატებას ულოცავს, - ამის შესახებ ინფორმაცის აფხაზური მედია ავრცელებს.

მათივე ინფორმაციით, ბგანბასა და ბჟანიას შორის სატელეფონო საუბარი შედგა, რომლის დროსაც ე.წ. „პრემიერმა“ ბჟანიას ე.წ. „არჩევნების“ წინასწარი შედეგები მიულოცა და „ჯანმრთელობა და წარმატება უსურვა.“

შეგახსენებთ, ე.წ. საპრეზიდენტო არჩევნები ოკუპირებულ აფხაზეთში გუშინ გაიმართა. წინასწარი მონაცემებით, ამომრჩეველთა აქტივობა 75.68% იყო. ბჟანიას ე.წ. „სარჩევნო შტაბის“ ინფორმაციით, „არჩევნებში“ მათი „სპარეზიდენტო კანდიდატი“ ლიდერობს და მან ამორჩევლის ხმების 58.47% მოიპოვა, მეორე ადგილზე კი ადგურ არძინბაა 34.7 %-ით.