საფრანგეთში კორონავირუსით 16 წლის გოგონა დაიღუპა. ინფორმაციას „ფრანს 24“ ავრცელებს. ბავშვი პარიზში გუშინ დაიღუპა.

„ჩვენ გვეუბნებოდნენ, რომ ვირუსი პატარებზე მძიმე გავლენას არ ახდენდა და ჩვენც გვჯეროდა, ისევე როგორც ყველას“,-აცხადებს გოგონას დედა მედიასთან საუბრისას. მისივე თქმით, გოგონას თანდართული დაავადებები არ ჰქონდა.

ცნობისთვის, საფრანგეთში კორონავირუსის 29 155 შემთხვევაა დაფიქსირებული. დაღუპულთა რიცხვმა 1696-ს მიაღწია.