„თავისუფალი საქართველო“ ჰაკერულ ფორუმზე საქართველოს მოქალაქეების პირადი მონაცემების გამოქვეყნებას ეხმაურება

„თავისუფალი საქართველოს“ აჭარის ახალგაზრდული ორგანიზაციის ლიდერი ნიკოლოზ ანთაძე, ჰაკერულ ფორუმზე საქართველოს მოქალაქეების პირადი მონაცემების გამოქვეყნებას ეხმაურება და აღნიშნავს, რომ საკითხი მეტად პრინციპული და მნიშვნელოვანია, როგორც ევროპული ოჯახის წევრ სახელმწიფოსთვის, ასევე მისი თითოეული მოქალაქისათვის.

„მაშინ, როდესაც მთელი მსოფლიო და მათ შორის საქართველოც ებრძვის კორონავირუსის პანდემიას, ჩვენი სახელმწიფოს მიმართ კიდევ ერთმა გამოწვევამ იჩინა თავი. ZDNet-ის და სხვა მედიასაშუალებების ცნობით, შაბათს გამოქვეყნებული ბაზა 4,9 მილიონი ადამიანის, მათ შორის გარდაცვლილი მოქალაქეების მონაცემებს შეიცავს. პერსონალური მონაცემები მოიცავს სრულ სახელებს, საცხოვრებელ მისამართებს, დაბადების თარიღებს, პირად ნომრებს და მობილური ტელეფონის ნომრებს. აღნიშნული საკითხი მეტად პრინციპული და მნიშვნელოვანია, როგორც ევროპული ოჯახის წევრ სახელმწიფოსთვის, ასევე მისი თითოეული მოქალაქისათვის. აქვე ამ საკითხის პრევენცირების აუცილებლობას მიუთითებს ისიც, რომ არ უნდა დავუშვათ შესაძლებლობა იმისა, რომ ოქტომბერში დაგეგმილი საპარლამენტო არჩევნების წინ, მოხდეს პირადი მონაცემებით მანიპულირება და ამომრჩეველზე ზემოქმედება ნებისმიერი არაკეთილსინდისიერი მხარის მიერ. იმედს ვიტოვებთ, რომ მიუხედავად ქვეყანაში არსებული სიტუაციისა, ხელისუფლება გამოძიების შედეგად დაადგენს დამნაშავეთა ვინაობას, პერსონალურ მონაცემთა მოპოვების წყაროს და დაიცავს თითოეული მოქალაქის პირად ინფორმაციას“, - აღნიშნავს ნიკოლოზ ანთაძე, რომლის კომენტარსაც პარტია “თავისუფალი საქართველო“ ავრცელებს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი