ოკუპირებული აფხაზეთის ე.წ. ოპერატიული შტაბი კორონავირუსზე ათი ადამიანის შემოწმების შესახებ იუწყება. „სპუტნიკის“ ინფორმაციით, რვა ტესტი უარყოფითი აღმოჩნდა, ერთი შედეგებს ელოდება, ერთმა კი გამეორებითი ტესტი უნდა ჩაიტაროს.

გარდა ამისა, გაგრის რაიონიდან გუდაუთის ცენტრალურ საავადმყოფოს ერთმა პაციენტმა მიმართა კორონავირუსის ნიშნებით, რომლის ანალიზმა უარყოფითი შედეგი აჩვენა.

ე.წ. ოპერატიულ შტაბში აცხადებენ, რომ ბევრი არასწორი ინფორმაცია ვრცელდება კორონავირუსთან დაკავშირებით ოკუპირებულ ტერიტორიაზე.

მათივე ცნობით, არ შეესაბამება სიმართლეს ინფორმაცია, სასურსათო მაღაზიების დახურვის შესახებ.