რესპუბლიკური საავადმყოფოს კლინიკური დირექტორის დევი ტაბიძის განცხადებით, ამჟამად კლინიკაში 46 პაციენტია მოთავსებული, რომელთაგან 5 რეანიმაციულ განყოფილებაშია. როგორც მან ჟურნალისტებს განუცხადა, ორი პაციენტის მდგომარეობა საშუალო სიმძიმისაა, სამის კი- მძიმე, რადგან მათ პნევმონია აღენიშნებათ.
მისი თქმით, დღეს საღამოს კორონავირუსზე 9 პაციენტის ტესტის პასუხი გახდება ცნობილი.
„დავიწყებ იმით, რომ ჩვენთან COVID19 არ გამოვლენილა. ამჟამად 46 პაციენტი იმყოფება, რომელთაგანაც 5 რეანიმაციულ განყოფილებაშია. ორი პაციენტის მდგომარეობა საშუალო სიმძიმისაა, სამის კი- მძიმე. ეს განპირობებულია ორმხრივი პნევმონიით და ეს პაციენტები მართვით სუნთქვაზე იმყოფებიან. დღეისთვის 9 პაციენტის პასუხს ველოდებით, რომელიც და საღამოს გვეცოდინება“,-აცხადებს ტაბიძე.
შეგახსენებთ, საქართველოში კორონავირუსის 115 დადასტურებული შემთხვევაა, მათ შორის გამოჯანმრთელებულია 23.