"ლელო საქართველოსთვის" - მთავრობის გეგმა საკმარისად ვერ პასუხობს კრიზისის მასშტაბს

მთავრობის გეგმა საკმარისად ვერ პასუხობს კრიზისის მასშტაბს , - ამის შესახებ პოლიტიკური გაერთიანების ,,ლელო საქართველოსთვის’’ განცხადებაშია ნათქვამი.

როგორც განცხადებაშია ნათქვამი, მთავრობის გეგმა მოკრძალებულად გამოიყურება კორონავირუსის პანდემიით გამოწვეული კრიზისის მასშტაბთან მიმართებით.

,,ჩვენ დადებითად ვაფასებთ იმას, რომ მთავრობამ, მართალია, საკმაო დაგვიანებით, მაგრამ გაასაჯაროა ანტიკრიზისული გეგმის გარკვეული კონტურები. თუმცა, ჩვენი აზრით, ეს გეგმა მოკრძალებულად გამოიყურება კორონავირუსის პანდემიით გამოწვეული კრიზისის მასშტაბთან მიმართებით. ის ადეკვატურად ვერ პასუხობს იმ გამოწვევებს, რომელთა წინაშეც აღმოჩნდა ჩვენი ქვეყანა და ტოვებს ბევრ პასუხგაუცემელ კითხვას, მათ შორის ეკონომიკის სტიმულირებისათვის და ბიზნესის დასახმარებლად გადასადგმელი კონკრეტული ნაბიჯების შესახებ.

მსოფლიოს წამყვანი ქვეყნები, საერთაშორისო ავტორიტეტული ორგანიზაციები და ექსპერტები ერთხმად საუბრობენ კორონაკრიზისის უპრეცედენტო მასშტაბზე. დღეისათვის ძნელია, ზუსტად განისაზღვროს ამ კრიზისის უარყოფითი ზეგავლენა ეკონომიკაზე და თითოეული ოჯახზე, მაგრამ 31 მარტს გაეროს მიერ გამოქვეყნებული კვლევის თანახმად, რომელიც COVID-19-ის სოციალურ-ეკონომიკური გავლენების შესახებ ჩატარდა, ვირუსის წინააღმდეგ განსახორციელებელი ღონისძიებების ღირებულება და ამ პანდემიის შედეგად ეკონომიკაზე მიყენებული ზარალი უტოლდება მსოფლიო მთლიანი შიდა პროდუქტის 10 %-ს და მოუწოდებს მსოფლიოს მთავრობებს მასშტაბური და კოორდინირებული ღონისძიებებისკენ, რომელიც უნდა შეესაბამებოდეს ამ ზარალის ზომას. ჩვენი ქვეყანა გამონაკლისი ვერ იქნება ამ მიმართებით. შესაბამისად, საქართველოს მთავრობის მიერ გადადგმული ნაბიჯებიც უნდა იყოს გაცილებით თამამი და კომპლექსური”, - აღნიშნულია განცხადებაში.

მისივე თქმით, „ლელომ“ უკვე წარადგინა ანიკრიზისული მოდელი, რომელიც 4 მიმართულებას ითვალისწინებს.

„ჩვენ უკვე წარმოვადგინეთ „ლელოს“ ანტიკრიზისული მოდელი, რომელიც 6 მილიარდი ლარის მოცულობისაა და ითვალისწინებს 4 მიმართულებას: 3 მილიარდი ლარის საგარანტიო ფონდის შექმნა ბიზნესისთვის; 1 მილიარდი ლარის სოციალურ პაკეტები მოსახლეობისთვის; 1 მილიარდი ლარის მობილიზება სასურსათო უსაფრთხოების უზრუნველსაყოფად და სოფლის მეურნეობის სტიმულირებისთვის; 1 მილიარდი ლარის (300 მილიონი აშშ დოლარი) სავალუტო რეზერვების გამოყენება ლარის კურსის სტაბილურობისთვის 3 თვით დადგენილი საკურსო კორიდორის ფარგლებში.

კვლავ გვინდა დავადასტუროთ ჩვენი მზადყოფნა, რომ მთავრობასთან ერთად მონაწილეობა მივიღოთ ინტერპარტიულ სამუშაო ფორმატში და განვიხილოთ ჩვენ მიერ შეთავაზებული ანტიკრიზისული გეგმის ყველა დეტალი’’, - აღნიშნულია განცხადებაში, რომელსაც პარტია ავრცელებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"