ჯანდაცვის მინისტრი, ეკატერინე ტიკარაძე აცხადებს, რომ ამ დროისთვის სამი კლინიკის პერსონალს ჩაუტარდა ტესტირება და სამედიცინო პერსონალის შემოწმება სხვა კლინიკებშიც იგეგმება.

"დღეისათვის სამ კლინიკაშია უკვე ჩატარებული სამედიცინო პერსონალის გამოკვლევა. ესაა: საჩხერის სამედიცინო ცენტრი,გორის ჰოსპიტალი და მარნეულის "ჯეოჰოსპიტალი". რა თქმა უნდა, იგეგმება დამატებით კლინიკებში, ვინაიდან ესაა პროტოკოლი, რომელიც შემუშავებულია სამედიცინო პერსონალისთვის. ჩვენ კიდევ ვმსჯელობთ, თუ რა კუთხით გაფართოვდება პროტოკოლი, რომ მეტი უსაფრთხოება იყოს უზრუნველყოფილი", - აღნიშნა ტიკარაძემ მთავრობის ადმინისტრაციაში გამართულ ბრიფინგზე.