ოკუპირებულ აფხაზეთში კორონავირუსით კიდევ ერთი ადამიანი დაინფიცირდა

გაგრაში კორონავირუსით დაინფიცირების მეორე შემთხვევა გამოვლინდა, რომელიც პირველ პაციენტთან კავშირში მყოფ ადამიანს დაუფიქსირდა. ამის შესახებ ე.წ. ოპერატიული შტაბი იუწყება.

„პირველ დაინფიცირებულთან კონტაქტში მყოფი ყველა პირის შემოწმების შედეგად, კიდევ ერთი შემთხვევა დადასტურდა. აღნიშნული პირი ამჟამად თვითიზოლაციაში იმყოფება. მისი მდგომარეობა დამაკმაყოფილებელია, მას აკვირდებიან და ღებულობს აუცილებელ მკურნალობას“ , - აღნიშნულია შტაბის ინფორმაციაში.

კოვიდინფექციაზე ტესტირება კიდევ ხუთმა ადამიანმა ჩაიტარა. ყველა მათგანის პასუხი უარყოფითია.

ამგვარად, ოკუპირებულ აფხაზეთში, ამ დროისთვის, კორონავირუსი მხოლოდ ორ პაციენტს დაუდასტურდა. პირველი მათგანის ჯანმრთელობის მდგომარეობა საშუალო სიმძიმისაა.

მანამდე გავრცელებული ინფორმაციით, ოკუპირებული აფხაზეთის დე ფაქტო პრეზიდენტის მოვალეობის შემსრულებელმა ვალერი ბგანბამ ხელი მოაწერა განკარგულებას გაგრაში კომენდანტის საათის შემღების შესახებ.

ამასთან ვრცელდება ინფორმაცია, რომ ოკუპირებულ აფხაზეთში 15 წლის მოზარდის გარდაცვალების მიზეზი კორონავირუსი არ ყოფილა.

„ექსპერტიზის შედეგად, გარდაცვლილ 15 წლის ბავშვს კორონავირუსი არ დაუდასტურდა“,-ნათქვამია ე.წ. ოპერატიული შტაბის ინფორმაციაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს