კითხვაზე, სად არის ბიძინა? პასუხი მარტივია - საქმეს აკეთებს, - ასე ეხმაურება საპარლამენტო უმრავლესობის წევრი ნუკრი ქანთარია „ქართუ ბანკის" მიერ stopcov-ის ფონდში 100 მილიონი ლარის ჩარიცხვას.

როგორც ქანთარია სოციალურ ქსელში წერს, ბიძინა ივანიშვილის ქვეყნის სადარაჯოზე დგას. „როგორც ყოველთვის ბიძინა ივანიშვილი ქვეყნის სადარაჯოზე დგას, ამჯერადაც, ამ ძნელბედობის ჟამს, უპრეცენდენტო ქველმოქმედებით შეეწია ის ჩვენი ქვეყნის საყოველთაო გაჭირვებას. მავანთა კითხვაზე – სად არის ბიძინა? პასუხი მარტივია: საქმეს აკეთებს, საქმეს და შენ და ქვეყანას ეხმარება“, - წერს ქანთარია.