ქეთევან ბაკარაძე - აპელირება იმაზე, რომ ანტიკრიზისულ გეგმაში დევნილი საზოგადოება არ იყო მოხსენიებული, თემის ინსპირირებას უფრო ჰგავს, ვიდრე საგნობრივ კრიტიკას

რიგი ადამიანების მხრიდან აპელირება იმაზე, რომ ანტიკრიზისული გეგმის პრეზენტაციის დროს დევნილი საზოგადოება არ იყო მოხსენიებული, როგორც სახელმწიფოსგან ბენეფიტის მიმღები ინდივიდუალური კატეგორია, რაც თემის ინსპირირებას უფრო ჰგავს, ვიდრე საგნობრივ კრიტიკას, - ამის შესახებ აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძემ განაცხადა. მისი განცხადებით, ამ ანტიკრიზისული დახმარების ფარგლებში, საკმაოდ ბევრი დევნილი მეწარმე თუ ფერმერი მიიღებს ფინანსურ მხარდაჭერას.

ქეთევან ბაკარაძემ დახმარების იმ პროგრამებს გაუსვა ხაზი, რომლითაც დევნილის სტატუსის მქონე პირები სარგებლობენ.

„პრემიერის მიერ წარდგენილ ანტიკრიზისულ გეგმას სოციალურ ქსელში სხვადასხვა ჯგუფების მხრიდან განსაკუთრებულად დიდი გამოხმაურება მოჰყვა. მათ შორის ვნახეთ რიგი ადამიანების მხრიდან აპელირება იმაზე, რომ პრეზენტაციის დროს დევნილი საზოგადოება არ იყო მოხსენიებული, როგორც სახელმწიფოსგან ბენეფიტის მიმღები ინდივიდუალური კატეგორია, რაც თემის ინსპირირებას უფრო ჰგავს, ვიდრე საგნობრივ კრიტიკას.

ყველამ კარგად იცის და მით უფრო თავად დევნილებმა, რომ არსებობს კონკრეტული ციფრები და სტატისტიკა, რა პროცენტული მაჩვენებელი მოდის დევნილის სტატუსის მქონე სხვადასხვა მიზნობრივი ჯგუფის წარმომადგენელზე (მოწყვლადი სეგმენტიდან მრავალშვილიანი ოჯახები, შშმ ბავშვები, მკვეთრად გამოხატული შშმპ, სოციალურად დაუცველები - მათ შორის 65000-დან 100000-მდე სარეიტინგო ქულით). ამასთან, ამ ანტიკრიზისული დახმარების ფარგლებში, საკმაოდ ბევრი დევნილი მეწარმე თუ ფერმერი მიიღებს ფინანსურ მხარდაჭერას, რომ არაფერი ვთქვათ თვითდასაქმულებზე.

ამასთან, სრული პასუხისმგებლობით ვაცხადებ, რომ ჩვენი ხელისუფლება აგრძელებს ზრუნვას ოკუპირებულ ტერიტორიაზე მუდმივად მცხოვრები ჩვენი მოქალაქეების მხარდასაჭერად და ახორციელებს უპრეცედენტო პროექტებს საერთაშორისო ორგანიზაციების ჩართულობით, როგორც covid-19-თან ბრძოლის თვალსაზრისით, ისე ბენეფიციარებისთვის მრავალკომპონენტიანი დახმარების კუთხით,“ - განაცხადა ქეთევან ბაკარაძემ.

მისივე შეფასებით, მთავრობის მიერ წარმოდგენილი ანტიკრიზისული გეგმა ფოკუსირებულია სიდუხჭირის დაძლევაზე, გადაუდებელ სოციალურ დახმარებაზე და არა ბიზნესის განვითარებასა და გრძელვადიან კეთილდღეობაზე.

„სახელმწიფო ორიენტირებულია გლობალური გამოწვევის წინააღმდეგ ბრძოლაში გამარჯვებაზე და თავისი ლიმიტირებული რესურსებით, სწორი და თანმიმდევრული ქმედებებით პოზიციონირებს, როგორც წარმატებული ქვეყანა.

ვფიქრობ, ასეთი აგრესიული განცხადებები გამოიწვევს დევნილი საზოგადოების კიდევ უფრო მეტად სეგრეგაციასა და სტიგმატიზაციას. ამის ნაცვლად უპრიანი იქნება, თითოეულმა ჩვენგანმა საკუთარი შესაძლებლობები ჩვენი ქვეყნის განვითარებასა და ძლიერ ხვალინდელ დღეს მოვახმაროთ,“ - განაცხადა მან.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის