რომან გოცირიძის განცხადებით, მთავრობის მიერ წარმოდგენილი ანტიკრიზისული გეგმა „არც თუ ისე მიმზიდველი სურვილების ერთობლიობაა“

საპარლამენტო ფრაქცია „ერთიანი ნაციონალური მოძრაობის“ თავმჯდომარის, რომან გოცირიძის განცხადებით, მთავრობის მიერ წარმოდგენილი ანტიკრიზისული გეგმა „არც თუ ისე მიმზიდველი სურვილების ერთობლიობაა“.

მისი შეფასებით, შემოსავლის გარეშე დარჩენილი ადამიანებისთვის შეთავაზებული დახმარება მცირეა, ხოლო ბიზნესისთვის მხარდაჭერის პროგრამა - გაურკვეველი.

როგორც გოცირიძე ამბობს, მთავრობამ პარლამენტში ბიუჯეტი რაც შეიძლება მალე უნდა წარადგინოს, რადგან თუ ეს პროცესი გაიწელა, „ჩვენი მოქალაქეები ამას ვერ გაუძლებენ“.

„ის, რაც ჩვენ ვიხილეთ რამდენიმე დღის წინ, რაღაც სლაიდების სახით, რასაც მთავრობა უწოდებს ანტიკრიზისულ გეგმას, ეს არის მხოლოდ და მხოლოდ არც თუ ისე მიმზიდველი სურვილების ერთობლიობა. ძალიან მწირი დახმარება უმუშევრად დარჩენილ ადამიანებს და ასევე, აბსოლუტურად გაურკვეველი მხარდაჭერა ბიზნესისთვის. ესეც არაფერს არ ნიშნავს, რადგან არ ვიცით, რა იქნება რეალური შემოსავლის წყარო უცხოური დახმარებების სახით. ბევრი რამ ამ პრეზენტაციაში იყო პროპაგანდისტული, ვიდრე რეალისტური. ისევე როგორც, არ გვეცოდინება დეტალურად გაწერილი გეგმა, რა დროში და რა მექანიზმებით მოხდება, თუნდაც იმ მწირი კომპენსაციების გაცემა ჩვენი მოქალაქეებისათვის და რაც ყველაზე მთავარია, სანამ პარლამენტში არ იქნება წარმოდგენილი ბიუჯეტი, ჩვენ არ შეგვიძლია მთავრობას ვენდოთ, რაღაც კედელზე ნაჩვენები გრაფიკებისა და ნახატების სახით. ბიუჯეტი სასწრაფოდ წარმოსადგენია პარლამენტში, წინაღმდეგ შემთხვევაში, ეს პროცესი გაიწელება ძალიან დიდხანს და ამას ვერ გაუძლებენ ჩვენი მოქალაქეები“,- განაცხადა გოცირიძემ.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა