სერგი კაპანაძე - ძალიან ცუდია, რომ ხელისუფლება ჯერ კიდევ ფეხს ითრევს კონკრეტული ეკონომიკური ნაბიჯების გადასადგმელად

ეკონომიკური ვარდნა ზოგადად ახასიათებს კორონავირუსთან დაკავშირებულ შეზღუდვებს, თუმცა ჩვენს შემთხვევაში ცუდია ის, რომ მთავრობამ მყისიერი რეაგირება ვერ მოახდინა, - ამის შესახებ „ევროპული საქართველოს“ წევრმა სერგი კაპანაძემ განაცხადა, რითაც გამოეხმაურა “საქსტატის” მიერ გამოქვეყნებულ მონაცემებს.

კაპანაძის თქმით, მთავრობამ ვერ წარმოადგინა ეკონომიკური კრიზისიდან გამოსვლის პროგრამა და სწორედ ამის დამსახურებაა ის, რომ კრიზისის პირველივე თვეს საქართველოს ამხელა ეკონომიკური ვარდნა ჰქონდა.

„ბუნებრივია, მარტში ასეთი ეკონომიკური ვარდნა მოსალოდნელი იყო. ეს ზოგადად ახასიათებს კორონავირუსთან დაკავშირებულ შეზღუდვებს, თუმცა ჩვენს შემთხვევაში ცუდია ის, რომ მთავრობამ მყისიერი რეაგირება ვერ მოახდინა, ვერ წარმოადგინა ვერც ეკონომიკური კრიზისიდან გამოსვლის პროგრამა, არც „ევროპული საქართველოს“ მიერ შეთავაზებული კონკრეტული პროგრამა არ გაითვალისწინა და დრო დაკარგა. შესაბამისად, ის, რომ კრიზისის პირველივე თვეს ამხელა ეკონომიკური ვარდნა გვქონდა, არის სწორედ ამის დამსახურება. ძალიან ცუდია, რომ ხელისუფლება ჯერ კიდევ ფეხს ითრევს კონკრეტული ეკონომიკური ნაბიჯების გადასადგმელად, მათ შორის არ აპირებს გადასახადების შემცირებას, არ აპირებს მოსახლეობისთვის საპენსიო ფონდში დაგროვებული თანხის დაბრუნებას და ა.შ. ანუ არ აპირებს იმას, რაც შეამცირებდა ეკონომიკაზე წნეხს და გარკვეულწილად გზას დასახავდა, თუ როგორ დავძლიოთ ეს ეკონომიკური კრიზისი,“ - განაცხადა სერგი კაპანაძემ.

შეგახსენებთ, რომ სტატისტიკის ეროვნული სამსახურის მიერ გამოქვეყნებული წინასწარი მონაცემებით, მარტში საქართველოს ეკონომიკა 2.7%-ით შემცირდა.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა