ნათია თურნავა - მიუხედავად მოსახლეობის სურვილისა, რომ 80-მდე აგრარული ბაზარი ერთბაშად გაიხსნას, ეს მხოლოდ ძალიან მკაცრი ნორმების დაცვის შემთხვევაში მოხდება

მიუხედავად მოსახლეობის სურვილისა, რომ 80-მდე აგრარული ბაზარი ერთბაშად გაიხსნას, ეს მხოლოდ ძალიან მკაცრი ნორმების დაცვის შემთხვევაში მოხდება, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა. მისი თქმით, აგრარული ბაზრები რთულად ადმინისტრირებადი ობიექტებია, რადგან ბევრი ადამიანის თავშეყრას ითვალისწინებს.

„ძალიან მნიშვნელოვანია აქ სანიტარული ნორმების და ახალი ეპიდემიოლოგიური გაიდლაინების დაცვა. ამას სურსათის სააგენტო აკონტროლებს. ამიტომაც მიუხედავად მოსახლეობის სურვილისა, რომ 80-მდე ბაზარი ერთბაშად გაიხსნას, ეს მხოლოდ ძალიან მკაცრი ნორმების დაცვის შემთხვევაში მოხდება. უკვე გვაქვს ყველაზე მოწესრიგებული ბაზრის მაგალითები, რომელზეც სწორებას აიღებენ სხვა ბაზრები. ძალიან მალე ყველა გაიხსნება, თუმცა გავაკონტროლებთ,“- განაცხადა თურნავამ.

მინისტრი ასევე გამოეხმაურა სასოფლო-სამეურნეო პროდუქტებზე ფასების ზრდის საკითხს. მისი თქმით, აგრარული ბაზრების გახსნის შემდეგ მიწოდება გაიზრდება, რაც ფასებს მაქსიმალურად დაარეგულირებს.

„რაც შეეხება ფასებს, ეს მართლაც მტკივნეული პრობლემაა, მაგრამ სასოფლო-სამეურნეო პროდუქციის მიწოდების არეალი, რომელიც აქამდე ეპიდემიის გავრცელების რისკის გამო გაჩერებული იყო, გაიზრდება. ესეც ფასების დარეგულირებაზე დადებითად იმოქმედებს. მოსახლეობას კვლავ შეეძლება პროდუქტი იქ შეიძინოს, სადაც ყველაზე უფრო მეტად აწყობს ფასების ან ხარისხის თვალსაზრისით. ეს მაქსიმალურად დაარეგულირებს ფასების ნაწილს,“ - აღნიშნა თურნავამ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება