ანა დოლიძე მოითხოვს, დროულად შეიკრიბოს იუსტიციის საბჭო და იმსჯელონ, რა ვითარებაა პანდემიის პირობებში მოქალაქეებისთვის დაწესებული ჯარიმების გასაჩივრების მხრივ

იუსტიციის უმაღლესი საბჭოს არამოსამართლე წევრი ანა დოლიძე იუსტიციის საბჭოს მდივანს გიორგი მიქაუტაძეს მოუწოდებს, რომ დროულად უზრუნველყოს საბჭოს შეკრება იმისათვის, რათა იმსჯელონ, რა ვითარებაა პანდემიის პირობებში მოქალაქეებისთვის დაწესებული ჯარიმების გასაჩივრების მხრივ.

როგორც ანა დოლიძემ ჟურნალისტებს განუცხადა, ახალი კორონავირუსის პრევენციის გამო მთავრობის მიერ დაწესებული შეზღუდვებით 7 000 მოქლაქეა დაჯარიმებული. მისივე თქმით, ბევრი მათგანი სრულიად უცნაური, დაუსაბუთებელი მიზეზით და ალოგიკური წესების შესაბამისად დაჯარიმდა. ანა დოლიძის განმარტებით, ახლა, იუსტიციის უმაღლეს საბჭოს სჭირდება შეკრება იმისათვის, რომ საზოგადოება საქმის კურსში ჩააყენოს 7 000 ჯარიმიდან რამდენი გასაჩივრდა და რამდენად არის სასამართლო მზად იმისათვის, რომ საგანგებო მდგომარეობის დასრულების შემდეგ მიიღოს ეს საჩივრები.

„დღესდღეობით, სასამართლო ამ 7 000 ადამიანის ერთადერთი ინსტრუმენტია, რომელსაც შეუძლია გააუქმოს ის უსამართლო და ალოგიკური ჯარიმები, რომელიც ბევრ ადამიანს დაეკისრა. მაგალითად, შეზღუდვა არ დაუჯდე წინ მძღოლს, შეზღუდვა ოჯახის წევრებზე და არანაირი გამონაკლისი გადაუდებელ სიტუაციაში მცირეწლოვან ბავშვებზე, იმ პირობებში, როდესაც თანამდებობის პირველი პირები არღვევდნენ ამ კანონს. თუმცა, დღეს ჩვენ არ ვიცით, რა მდგომარეობაა სასამართლოს მიმართულებით, არ ვიცით, ამ 7 000 მოქალაქეს და ოჯახს რამდენად ექნება უზრუნველყოფილი სამართლიანი სასამართლოს უფლება, რამდენმა მათგანმა გაასაჩივრა ეს სასამართლოში, რამდენი მათგანი იქნება მზად და იცის, რომ ეს ჯარიმა გაასაჩივროს სასამართლოში. ამიტომ, მე მოვუწოდებ იუსტიციის უმაღლესი საბჭოს მდივანს და საბჭოს უმრავლესობას სასწრაფოდ შეიკრიბოს დისტანციურად, მოიწვიოს თბილისის საქალაქო სასამართლოს თავმჯდომარე და ადმინისტრაციული კოლეგიის თავმჯდომარე იმისათვის, რომ ვიმსჯელოთ რა ვითარებაა ჯარიმების გასაჩივრების მხრივ ჩვენს სასამართლოში, როგორ არის სასამართლო მზად იმისათვის, რომ ერთ მშვენიერ დღეს, ათასობით სარჩელი შეიძლება შევიდეს საერთო სასამართლოებში. ამ ორგანოს ამასთან დაკავშირებით აუცილებლად სჭირდება სასწრაფი მსჯელობა“, - განაცხადა ანა დოლიძემ.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 03.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა