ანრი ოხანაშვილი - „ნაცმოძრაობის“ და მისი სატელიტი პარტიების ბოლოდროინდელი განცხადებებიდან ნათელი ხდება ის გეგმა და სტრატეგია, რომელიც ამ ჯგუფებს აქვთ შემუშავებული

„ნაციონალური მოძრაობის“ და მისი სატელიტი პარტიების ბოლოდროინდელი განცხადებებიდან ნათელი ხდება ის გეგმა და სტრატეგია, რომელიც ამ ჯგუფებს აქვთ შემუშავებული, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, რითაც საკონსტიტუციო ცვლილებებთან დაკავშირებით ოპოზიციის განცხადებებს გამოეხმაურა.

დეპუტატის თქმით, მათი ბოლოდროინდელი განცხადებებიდან ცხადი ხდება, რომ აღნიშნული პოლიტიკური ძალები თავიდანვე არ გეგმავდნენ საკონსტიტუციო ცვლილებების მხარდაჭერას. ანრი ოხანაშვილი იმედს გამოთქვამს, რომ მათ განცხადებებს საერთაშორისო პარტნიორები აკვირდებიან და შესაბამის შეფასებებსაც გააკეთებენ.

„მათი განცხადებებიდან იკვეთება, რომ თავის დროზე ეს ჯგუფები იძულებულები გახდნენ ჩვენი საერთაშორისო პარტნიორების ჩართულობით დათანხმებოდნენ მხოლოდ ფორმალურად მიღწეულ შეთანხმებას, თუმცა, რეალურად მათ არც ჰქონიათ გეგმაში ამ შეთანხმების ბოლომდე შესრულება და საქართველოს კონსტიტუციაში ცვლილებების მხარდაჭერა. ეს გეგმა უკვე გამოაშკარავდა ამ ბოლო პერიოდში მათი განცხდებებით.

ეს არის მათი სტრატეგია, რომ შექმნან ფონი, თითქოს იმიტომ არ უჭერენ საქართველოს კონსტიტუციაში განსახორციელებელ ცვლილებებს მხარს, რომ „ქართული ოცნება“ თითქოს რაიმეს არ ასრულებს. რეალურად „ქართული ოცნება“ ასრულებს იმ დანაპირებს და შეთანხმებას, რომელიც იქნა მიღწეული ჩვენი საერთაშორისო პარტნიორების უშუალო ჩართულობით, შესაბამისად, არანაირი საფუძველი „ნაციონალურ მოძრაობას“ და მის სატელიტ პარტიებს არ გააჩნიათ, თუმცა, რეალურად მათ არც არასდროს ჰქონიათ სურვილი დაეცვათ ეს შეთანხმება.

რეალურად, ცხადია და შეუიარაღებელი თვალითაც ჩანს, რომ ეს ჯგუფები არ აპირებენ საკონსტიტუციო ცვლილებებისთვის მხარის დაჭერას, იმედი მაქვს საერთაშორისო პარტნიორები ყურადღებით აკვირდებიან მათ ამ განცხადებებს და აანალიზებენ რეალურ სურათს, თუ რა დგას ამ ყველაფრის უკან და იმედი მაქვს, ამ ყველაფერს მიეცემა შესაბამისი შეფასება,“- აღნიშნავს ანრი ოხანაშვილი.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა