გორში ინფრასტრუქტურული პროექტების სამშენებლო სამუშაოები განახლდა

გორში ინფრასტრუქტურული პროექტების სამშენებლო სამუშაოები განახლდა. ამის შესახებ „ინტერპრესნიუსს“ გორის მუნიციპალიტეტის მერიიდან აცნობეს.

მათი ინფორმაციით, პროექტების მიმდინარეობას დღეს გორის მუნიციპალიტეტის მერი, კონსტანტინე თავზარაშვილი მოადგილე ერასტი ელიჯარაშვილთან, ასევე ინფრასტრუქტურისა და ზედამხედველობის სამსახურის თანამშრომლებთან ერთად ადგილზე გაეცნო.

მათ საგანგებო მდგომარეობის შემოღების გამო, შეჩერებული ორი პროექტის - მუნიციპალური ავტობუსების სადგომის მშენებლობისა და სუხიშვილის ქუჩის მეორე მონაკვეთის სარეაბილიტაციო სამუშაოები დაათვალიერეს.

„უწყებათაშორისი საკოორდინაციო საბჭოს გადაწყვეტილებით, ინფრასტრუქტურული სამუშოების განახლების უფლება 5 მაისიდან მოგვეცა, მას შემდეგ ინტენსიურ რეჟიმში ვმუშაობთ. ვიმედოვნებ, შეფერხებების მიუხედავად, ჩვენი კონტრაქტორი ორგანიზაციები შეძლებენ, დროულად დაასრულონ სამუშოები. შესაძლებელია, რიგ შემთხვევებში, ვადების გაგრძელებაც დაგვჭირდეს, მაგრამ ეს ხელს არ შეგვიშლის იმაში, რომ წლის ბოლომდე თითქმის ყველა დაგეგმილი პროექტი განვახორციელოთ“, - განაცხადა კონსტანტინე თავზარაშვილმა.

გორის მუნიციპალიტეტის მერიის ცნობით, ავტობუსების სადგომი და დამხმარე ნაგებობა, რომლის ღირებულება 951 000 ლარია, მუნიციპალური განვითარების ფონდის მიერ გორის მუნიციპალიტეტისათვის შეძენილი 30 ერთეული ავტობუსისთვისაა განკუთვნილი.

„პროექტის დასრულების შემდეგ, გორში, პირველად ამოქმედდება მუნიციპალური ტრანსპორტი, რითაც ათწლეულების მანძილზე გადაუჭრელი პრობლემა მოგვარდება. სუხიშვილის ქუჩის მე - 2 მონაკვეთის სარეაბილიტაციო სამუშაოები 250 მეტრის სიგრძეზე მიმდინარეობს. სამუშოების ღირებულება 150 300 ლარია. პროექტის ერთი ნაწილი საცხოვრებელი კორპუსების წინ მდებარე გზაზე გასულ წელს განხორციელდა. მიმდინარე წელს კი, ავტოსახელოსნოების წინ მდებარე გზის რეაბილიტაცია ხორციელდება“ , - ნათქვამია ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს