ოკუპირებულ აფხაზეთში კორონავირუსის ერთი ახალი შემთხვევა გამოვლინდა. ამის შესახებ ე.წ. ოპერატიული შტაბი იუწყება.

ინფიცირებული გუდაუთის ცენტრალურ საავადმყოფოში გადაიყვანეს, სადაც ამ დროისთვის ექვსი პაციენტი მკურნალობს. ორ მათგანს ცალმხრივი პნევმონია აღენიშნება სუნთქვის უკმარისობის გარეშე. პაციენტების საერთო მდგომარეობა დამაკმაყოფილებელია.

მთლიანად, ოკუპირებულ რეგიონში სულ შვიდი ადამიანია კოვიდინფიცირებული.

ცნობილია, რომ 8 მაისს კორონავირუსი ოთხ სტუდენტს დაუფიქსირდა, რომლებიც აფხაზეთში რუსეთიდან ჩავიდნენ. მეორე დღეს ვირუსი კიდევ ორ სტუდენტს დაუდგინდა.

აპრილში კორონავირუსი აფხაზეთში სულ სამ ადამიანს დაუდგინდა, რომელთაგან ერთი 1925 წელს დაბადებული პაციენტი გარდაიცვალა, ორი კი გამოჯანმრთელდა.