ამირან გამყრელიძე - სხვათაშორის კახეთი, საიდანაც ხათუნაა, ე.წ. მწვანე ზონაა, ჩემი რაჭაც მწვანეა და პაატას გურიაც, მემგონი, მიკერძოებას დაგვაბრალებენ

სხვათაშორის კახეთი, საიდანაც ხათუნა ზახაშვილი არის მწვანეა, ჩემი რაჭაც მწვანეა და პაატა იმნაძის გურიაც მწვანეა, მემგონი, მიკერძოებას დაგვაბრალებენ ,- ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ე.წ. მწვანე რეგიონებთან დაკავშირებით დასმული კითხვის საპასუხოდ ხათუნა ზახაშვილთან და პაატა იმნაძესთან ერთად გამართულ პრესკონფერენციაზე განაცხადა.

თავის მხრივ, დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა განაცხადა, რომ კორონავირუსის გამო დაზიანებით პირველ ადგილზეა ქვემო ქართლის რეგიონი და მას მოსდევს თბილისი. მისივე თქმით, „საბედნიეროდ გვაქვს რეგიონები, რომლებსაც ჯერ კიდევ არ შეხებია კოვიდი“.

ხათუნა ზახაშვილის განმარტებით, მოსახლეობის სიმჭიდროვე და მიგრაცია ყოველთვის არის ერთ-ერთი ფაქტორი დაავადების გავრცელების.

„სწორედ ამიტომ იყო ქვემო ქართლისადმი თავიდანვე განსაკუთრებული ყურადღება მიპყრობილი, რომ ქვემო ქართლის რეგიონში შემოსვლას უკავშირდებოდა პირველივე შემთხვევა ჩვენ ქვეყანაში კოვიდ ინფექციის რეგისტრაციის. ჩვენ რომ არ აღმოგვეჩინა ის შემთხვევა საზღვრის კვეთისთანავე, ეს პროცესი ბევრად ადრე დაიწყებოდა ქვემო ქართლში. შემდგომი პირველი შემთხვევები, რომელიც დაკავშირებული იყო ქვემო ქართლთან, მართალია, ასოცირებული იყო მოგზაურობასთან, მაგრამ მერე უკვე შიდა გავრცელება მოხდა ძალიან იოლად იქ არსებული მოსახლეობის სიმჭიდროვის, ცხოვრების წესის, კულტურული თავისებურებების გამო და ყველა ის გადაწყვეტილება, რაც ქვემო ქართლთან დაკავშირებით იყო მიღებული, განპირობებული იყო პირველ რიგში იქ არსებული მოსახლეობის სიმჭიდროვით და მეორე მხრივ იმ თავისებურებით, რომ დიდი იყო მიგრაცია ამ რეგიონსა და ძალიან მაღალი დაზარალების ქვეყნებს შორის,“- განაცხადა ზახაშვილმა.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ