ოკუპირებულ აფხაზეთში კორონავირუსით ინფიცირებულთა რაოდენობა 14-მდე გაიზარდა

ოკუპირებულ აფხაზეთში კორონავირუსით დაინფიცირების კიდევ ორი ახალი შემთხვევა გამოვლინდა და მთლიანობაში, დაავადებულთა რაოდენობა 14-მდე გაიზარდა. ამის შესახებ ე.წ. ოპერატიული შტაბი იუწყება.

„გასული დღე-ღამის განმავლობაში, ტესტირება 27 ადამიანს ჩაუტარდა. ორ მათგანს კოვიდინფექცია დაუდასტურდა. ერთ-ერთი მათგანი რუსეთის უმაღლესი სასწავლებლის სტუდენტია, რომელიც ამ დღეებში ჩამოვიდა აფხაზეთში. მეორე - გუდაუთის მე-7 რუსული სამხედრო ბაზის სამხედრო მოსამსახურეა, რომელიც დაღესტნიდან ჩამოვიდა“ , - აღნიშნულია ოპერატიული შტაბის ინფორმაციაში.

ორიდან ერთი პაციენტი გუდაუთის ცენტრალურ საავადმყოფოში გაიგზავნება, მეორე კი გუდაუთის სამხედრო ბაზის ლაზარეთში იმკურნალებს.

დღესვე, ცნობილი გახდა, რომ კარანტინის პერიოდი 8 ადამიანს დაუმთავრდა, რომლებიც სასტუმრო „აიტარში“ იმყოფებოდნენ. არც ერთ მათგანს ვირუსი არ დაუდგინდა.

მთლიანობაში, ოკუპირებულ აფხაზეთში კორონავირუსი 17 ადამიანს დაუდასტურდა, რომელთაგან ორი გამოჯანმრთელდა, ერთი კი გარდაიცვალა.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია