მიხეილ ჩხენკელი - ჩვენს სახელოვან ექიმებთან ერთად ჩვენი მასწავლებლები, პროფესორები ნამდვილად ფრონტის წინა ხაზზე იყვნენ

სემესტრი შედგა და მოსწავლეები გადავლენ შემდგომ კლასებში, სტუდენტები გადავლენ შემდგომ კურსებზე, - ამის შესახებ განათლების, მეცნიერების, კულტურისა და სპორტის მინისტრმა მიხეილ ჩხენკელმა განათლების ხელმშემწყობი ანტიკრიზისული გეგმის პრეზენტაციაზე განაცხადა.

როგორც მინისტრმა აღნიშნა, 2019-2020 სასწავლო წელი აკადემიურ წლად არ გამოცხადდება. „დღევანდელი ჩვენი პრეზენტაციის მთავარი გზავნილი გახლავთ ის, რომ სწორედ დისტანციური სწავლების დანერგვით მიღწეულ შედეგებზე დაყრდნობით შეგვიძლია ხაზგასმით აღვნიშნოთ, რომ აკადემიური წელი არ მოხდება. შესაბამისად, სემესტრი შედგა და მოსწავლეები გადავლენ შემდგომ კლასებში, სტუდენტები გადავლენ შემდგომ კურსებზე. ეს არის მთელი ჩვენი საგანმანათლებლო სფეროს დიდი დამსახურება. აქ განსაკუთრებით მინდა ძალიან დიდი მადლობა გადავუხადო მასწავლებლებს, პედაგოგებს, პროფესორებს იმ ნამდვილი გმირობისთვის, რომელიც მათ ჩაიდინეს. მინდა ვაუწყო საზოგადოებას, რომ ჩვენს სახელოვან ექიმებთან ერთად ჩვენი მასწავლებლები, პროფესორები ნამდვილად ფრონტის წინა ხაზზე იყვნენ და ის დიდი რუდუნება, შრომა, ენთუზიაზმი და შემოქმედებითი მიდგომა ჭეშმარიტად წარმოადგენდა მათგან ძალიან დიდ გმირობას. ნულიდან მოხდა დისტანციური სწავლების ჩამოყალიბება საქართველოში და ეს მათი დამსახურებაა, რომ წარმატებით გაგრძელდა ეს პროცესი“, - განაცხადა ჩხენკელმა.

მისივე თქმით, საზოგადოებაში, რგორც საქართველოშია სევე საზღვარგარეთ, დისტანციურ სწავლებასთან დაკავშირებით პოზიტიური გამოხმაურებებია. მათ შორის მინისტრმა მაგალითად მოიყვანა OECD-ის და Microsoft-ის გამოხმაურებები და არნიშნა, რომ „ეს არის მთელი ჩვენი საგანმანათლებლო სივრცის, პირველ რიგში, მასწავლებლების და პროფესორების დამსახურება“.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია