გიგა ბოკერია - შეთანხმება იყო, რომ ივანიშვილს რა გზითაც უნდა, მისი რომელი პოლიტიკური "კლოუნის" მეშვეობითაც უნდა, პოლიტპატიმრები იყვნენ თავისუფალი და საარჩევნო სისტემა შეიცვალოს

შეთანხმება იყო, რომ ამა თუ იმ გზით, როგორც ივანიშვილს უნდა, მისი რომელი პოლიტიკური "კლოუნის" მეშვეობითაც უნდა პროკურატურაში, სასამართლოში, თუ პრეზიდენტის ინსტიტუტის მეშვეობით, პოლიტპატიმრები უნდა იყვნენ თავისუფალი და ასევე, საარჩევნო სისტემა უნდა შეიცვალოს შეთანხმებული კომპრომისით, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ განაცხადა.

ბოკერიას თქმით, თუ შეთანხმება არ შესრულდება ყველაფერზე, რაც მოხდება, პასუხისმგებლობა ბიძინა ივანიშვილს ეკისრება. როგორც მან აღნიშნა, საპარლამენტო ოპოზიციის მხრიდან ბოიკოტი გაგრძელდება.

„არ ვაპირებ ივანიშვილის ისტერიის და აგონიის ღრმა ანალიზს. ვითარება არის მარტივი: საქართველოს სჭირდება, რომ შეთანხმება შესრულდეს. ეს არის ვითარების ნორმალიზაციისთვის კარგი, რომ არჩევნები შედარებით ნორმალურ პირობებში ჩატარდეს და მერე ივანიშვილი შეეგუოს ამომრჩევლების გადაწყვეტილებას. ამ მომენტისთვის, სანამ პოლიტპატიმრები არ არიან თავისუფალი, შეთანხმება არ არის შესრულებული და თუ შეთანხმება შესრულებული არ არის, არავინ არ აპირებს „ევროპულ საქართველოში“ და საზოგადოების უდიდეს ნაწილსაც ეხება ეს, ივანიშვილისგან ასეთ თამაშის წესებს დასთანხმდეს: რომ მე ქართულ საზოგადოებასა და საქართველოს სტრატეგიულ პარტნიორებს დაგპირდებით, გადაგაგდებთ და მერე მძევლად მეყოლებით, რომ უფრო ცუდად მოვიქცევი, თუ თქვენ არ დამითმობთო. ეს ასე ვერ მოხდება. საპარლამენტო ოპოზიციის მხრიდან ბოიკოტი გაგრძელდება. ის პარტიებიც კი, რომლებიც ჩემი აზრით, ცდებიან და თვლიან, რომ ღირს ამ თამაშის წესებში შეყვე ივანიშვილს, ისინიც კი, ყველანი ერთიანი ვართ იმაში, რომ თუ ივანიშვილი შეთანხმებას არ შეასრულებს, ყველაფერზე, რაც მოხდება, პასუხისმგებლობა ეკისრება მას,“ - განაცხადა ბოკერიამ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია