გიგა ბოკერია - ერთი ნაბიჯი დარჩა შეთანხმების ამ ნაწილში - გიორგი რურუას გათავისუფლება, შემდეგ კი საკონსტიტუციო ცვლილებები, რომელშიც რურუას გათავისუფლების შემდეგ მივიღებთ მონაწილეობას

ეს არის ძალიან რთული პერიოდის დასრულებისკენ გადადგმული დიდი ნაბიჯი, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ტელეკომპანია „პირველის“ ეთერში განაცხადა, რითაც პრეზიდენტის მიერ გიგი უგულავასა და ირაკლი ოქრუაშვილის შეწყალების საკითხი შეაფასა. მისი თქმით, ხელისუფლებასთან შეთანხმების ნაწილში მხოლოდ გიორგი რურუას გათავისუფლება დარჩა, რის შემდეგაც ოპოზიცია საკონსტიტუციო ცვლილების პროცესში მიღებს მონაწილეობას.

„ბუნებრივია, მივესალმები ამ გადაწყვეტილებას, რომელიც საქართველოს პრეზიდენტისგან მოვისმინეთ. ეს არის კარგი ნაბიჯი ქვეყნისთვის, ძალიან რთული პერიოდის დასრულებისკენ გადადგმული დიდი ნაბიჯია, იმისთვის, რაც სჭირდება ქვეყანას - ნორმალიზაცია, რისკების შემცირება, რაც უხვად აქვს და არსებითად უფრო ნორმალური წინასაარჩევნო პერიოდი ოქტომბრის არჩევნების წინ. ერთი ნაბიჯი დარჩა შეთანხმების ამ ნაწილში - გიორგი რურუას გათავისუფლება, ნებისმიერი ფორმით, ნებისმიერი შეფასებით, შემდეგ კი საკონსტიტუციო ცვლილებები, რომელშიც გიორგი რურუას გათავისუფლების შემდეგ, რა თქმა უნდა, მივიღებთ მონაწილეობას. მერე გვექნება მწვავე, კრიტიკული საარჩევნო კამპანია, მაგრამ არსებითად უფრო ნორმალური, ვიდრე აქამდე. ეს არის კარგი ქვეყნისთვის და არა რომელიმე პარტიისთვის, არა ჩვენი პოლიტიკური გუნდისთვის, არამედ ყველაფრისთვის სწორი ნაბიჯია“,- განაცხადა ბოკერიამ.

ცნობისთვის, საქართველოს პრეზიდენტმა სალომე ზურაბიშვილმა „ევროპული საქართველოს“ ერთ-ერთი ლიდერი გიგი უგულავა და თავდაცვის ყოფილი მინისტრი ირაკლი ოქრუაშვილი შეიწყალა.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო