ირაკლი კობახიძე აცხადებს, რომ პრეზიდენტთან კომუნიკაცია არ ჰქონიათ და შეწყალების თაობაზე  ბრიფინგიდან გაიგეს

ჩვენ ვერ ვაკადრებდით პრეზიდენტს ვერანაირი მითითების მიცემას და ასეთი რამ აზრად არ გაგვივლია, - ასე უპასუხა პარტია „ქართული ოცნების” აღმასრულებელმა მდივანმა, ირაკლი კობახიძემ ჟურნალისტების კითხვას, ხომ არ აიძულა ხელისუფლებამ პრეზიდენტი სალომე ზურაბიშვილი გიგი უგულავა და ირაკლი ოქრუაშვილი შეეწყალებინა. როგორც კობახიძემ აღნიშნა, შეწყალების თაობაზე მათ პრეზიდენტთან კომუნიკაცია არ ჰქონიათ და ამის შესახებ ბრიფინგიდან გაიგეს.

“თანაპარტიელები სალომე ზურაბიშვილს არ ჰყავს და ეს არის ერთი მნიშვნელოვანი ფაქტორი, რასაც ხაზი უნდა გაესვას. ჩვენ პატივს ვცემთ ინსტიტუტებს და ეს არის სიახლე, რომელიც ჩვენ გვაქვს უკანასკნელი წლების განმავლობაში საქართველოში, რომ ერთმანეთისგან არის გამიჯნული კონსტიტუციური ორგანოები და ინსტიტუტები ისე, როგორც უნდა იყოს გამიჯნული. ჩვენ ამაზე ვსაუბრობდით ორი თვის განმავლობაში, რომ პრეზიდენტი არის დამოუკიდებელი თავის უფლებამოსილების განხორციელებაში, მათ შორის შეწყალების ნაწილში და როდესაც ოპოზიცია მოითხოვდა ჩვენგან პრეზიდენტისთვის დავალების მიცემას, ეს იყო ჩვენთვის აბსოლუტურად მიუღებელი და ეს მიუთითებდა იმაზე, რომ ოპოზიციამ დღემდე ვერ გაიგო ის, თუ რა არის სამართლებრივი სახელმწიფო და ხელისუფლების დანაწილება. რა თქმა უნდა, პრეზიდენტი არის გამიჯნული პოლიტიკური ხელისუფებისგან და ეს ასეც უნდა იყოს. შესაბამისად, ბუნებრივია, ჩვენ ვერ ვაკადრებდით პრეზიდენტს ვერანაირი მითითების მიცემას და ასეთი რამ აზრად არ გაგვივლია. ჩვენ არ გვქონია პრეზიდენტთან კომუნიკაცია ამ საკითხთან დაკავშირებით, ამის თაობაზე შევიტყვეთ, როცა ჩატარდა ბრიფინგი”, - განაცხადა კობახიძემ.

საქართველოს პრეზიდენტმა სალომე ზურაბიშვილმა "ევროპული საქართველოს" ერთ-ერთი ლიდერის გიგი უგულავას და თავდაცვის ყოფილი მინისტრის ირაკლი ოქრუაშვილი შეწყალების აქტი გამოსცა. ამის შესახებ სალომე ზურაბიშვილმა საგანგებო ბრიფინგზე განაცხადა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე