საჩხერეში 11 წლის მოზარდის მიმართ ჩადენილი გარყვნილი ქმედების ბრალდებით დაკავებული, ბესიკ ივანაშვილი ამ დროისთვის წინასწარი მოთავსების იზოლატორში იმყოფება. მას ქუთაისში უკვე შეხვდა მისი უფლებადამცველი ავთო ბუცხრიკიძე.

მისი განცხადებით, მის დაცვისქვეშ მყოფს ბრალი ჯერ არ წარდგენია, ამიტომ დაკავებულის ინტერესებიდან გამომდინარე საქმის დეტალებზე არ ისაუბრებს, თუმცა ვარაუდობს, რომ მომხდარი ბიზნესმენის საქმიანობას უკავშირდება და არა გავრცელებულ ბრალდებას.

მისი თქმით, უნდოდათ ბიზნესმენის საქმიანობის სხვებთან დაკავშირება, რაც არ გამოვიდა. ავთო ბუცხრიკიძის თქმით, მომხდარის დეტალები მალე გაირკვევა, ასევე არ გამორიცხავს, მისი დაცვის ქვეშ მყოფი ბრალის წარდგენის გარეშე გამოუშვან.