გუდაუთის ე.წ. მთავარი სანიტარული ექიმი - თუკი არ დავიცავთ უსაფრთხოების ზომებს, დავიხრჩობით და მედიცინა ამას ვერ გაუმკლავდება

თუკი „მოქალაქეები“ არ დაიცავენ უსაფრთხოების ზომებს და კორონავირუსთან დაკავშირებულ მდგომარეობას უპასუხისმგებლოდ მიუდგებიან, აფხაზური მედიცინა ვერ გაუმკლავდება შექმნილ ვითარებას. ამის შესახებ გუდაუთის ე.წ. მთავარმა სანიტარულმა ექიმმა ინგა ჩანბამ განაცხადა.

„თუკი არ დავიცავთ უსაფრთხოების ზომებს, დავიხრჩობით და მედიცინა ამას ვერ გაუმკლავდება“, - განაცხადა ექიმმა.

ამის მიუხედავად, ის მოსახლეობას მოუწოდებს, პანიკას ნუ მიეცემიან და დაიცვან თვითიზოლაციის წესები, რათა გამოუსწორებელი შედეგები თავიდან აიცილონ.