მაჟორიტარების საკითხში კოორდინაციას და ერთიან მაჟორიტარზე შეჯერებას ალტერნატივა არ გააჩნია, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ განაცხადა. უგულავას თქმით, იმისათვის, რომ ოლიგარქის მხრიდან ხელისუფლების მიტაცება არ მოხდეს, ოპოზიციის მხრიდან საჭიროა ერთიან მაჟორიტარებზე შეჯერება ძირითად ოლქებში.
„ჩემი აზრით, მთელმა ამ პერიოდმა, ერთი მნიშვნელოვანი რამ აჩვენა, რომ ოპოზიციის მჭიდრო კოორდინაციას, ოპოზიციის ერთსულოვნებას ფუნდამენტურ საკითხებში ალტერნატივა არ აქვს და ეს არის გამარჯვების და ცვლილებების წინაპირობა. აქედან გამომდინარე, ეს კოორდინაცია და თანამშრომლობა გაგრძელდება და დღევანდელი დღეც ამის ნათელი მაგალითია. ვფიქრობ, რომ იმსადამიხედვით თუ როგორი იქნება სისტება, იქნება ეს 30 მაჟორიტარი თუ როგორ, მაჟორიტარების საკითხში კოორდინაციას და ერთიან მაჟორიტარზე შეჯერებას ალტერნატივა არ გააჩნია, იმიტომ, რომ ჩვენ ვიცით 30 იქნება თუ 73 მაჟორიტარი, ივანიშვილი ამ კომპონენტს თავის სასარგებლოდ, ხელისუფლების მისატაცებლად გამოიყენებს და ერთადერთი ამის პრევენცია არის, მსხვილი, ერთიანი მაჟორიტარი ოპოზიციიდან ძირითად ოლქებში იმისათვის, რომ არ მოხდეს ხელისუფლების მიტაცება ივანიშვილის მხრიდან“, - განაცხადა გიგი უგულავამ.