ირაკლი ოქრუაშვილი - უნიჭო სპექტაკლი, რაც დადგეს, ემსახურებოდა ერთ მიზანს, რომ რაღაცნაირად დავემცირებინე, რა მიიღეს?-ივანიშვილმა ყველაფერი ხონჩით გვაჩუქა მეც და უგულავასაც

უნიჭო სპექტაკლი, რაც დადგეს, ემსახურებოდა ერთ მიზანს, რომ რაღაცნაირად დავემცირებინე , - ამის შესახებ „გამარჯვებული საქართველოს“ ლიდერმა ირაკლი ოქრუაშვილმა ტელეკომპანია „პალიტრანიუსის“ გადაცემაში „360 გრადუსი“ განაცხადა.

როგორც ოქრუაშვილი განმარტავს, მისთვის დაპატიმრება მოულოდნელი არ ყოფილა და ბიძინა ივანიშვილმა მასსა და გიგი უგულავას „ყველაფერი ხონჩით აჩუქა“.

„როგორც წესი, პოლიტიკოსს როცა აპატიმრებენ, ეს მოულოდნელი მისთვის არ არის, ჩემ შემთხვევაში ასე იყო, გიგი უგულავას შემთხვევაშიც ასე იყო დარწმუნებული ვარ. „გავრილოვის ღამის“ მერე საფრანგეთში ვიყავი წასასვლელი, წინასწარ მქონდა დაგეგმილი, ოჯახთან ერთად მივდიოდი, იძულებული გავხდი ეს ვიზიტი გადამედო იმის გამო, რომ გაჩნდა ვერსია, ნიკა მელიას აპატიმრებდნენ, გიგი უგულავაზეც იყო საუბარი, ჩემი მხრიდან წასვლა, რაღაც ძალიან ცუდად იქნებოდა საზოგადოების მიერ აღქმული და ბუნებრივია, ეს გავაუქმე.

დაკითხვებზე ვიარე, წერილობით მივმართე შინაგან საქმეთა სამინისტროს, თუ რამე გინდათ, აქ ვარ-მეთქი, პასუხი არ გამცეს. ჩავთვალე, რომ არაფერი ხდებოდა და არავინ ამას ცუდ ტონად არ ჩამითვლიდა და წავედი. მას შემდეგ, რაც ჩემი დაცვის წევრი კობა კოშაძე დაიჭირეს და მეც შემომითვალეს, აღარ ჩამოხვიდე, ეს ადამიანი იმისთვის დავიჭირეთ, რომ დამაჯერებელი ყოფილიყო შენთვის, როგორც გზავნილიო, იძულებული გავხდი, რომ ჩამოვსულიყავი.

უნიჭო სპექტაკლი, რაც დადგეს, ემსახურებოდა ერთ მიზანს, რომ რაღაცნაირად დავემცირებინე. დაკითხვაზე მივედი სასამართლოში, რომ დავებარებინე, ჩვეულებრივად გამოვცხადდებოდი, მივდიოდი, არანაირი პრობლემა არ იქნებოდა, მაგრამ ხელბორკილები დამადეს ქუჩაში და უნდოდათ ეჩვენებინათ თითქოს, ეს ჩემთვის დამამცირებელია, მაგრამ არაფერი, რა მიიღეს? უნდა მევლო მთელი ერთი წლის განმავლობაშ ქუჩა-ქუჩა, სოფელ-სოფელ, უბან-უბან და კამპანია მეტარებინა ხალხისთვის, რაღაც პროგრამა უნდა წარმედგინა, ამაში გარკვეული ფინანსების და რესურსების დახარჯვაა საჭირო, უნდა მეწვალა, ათიდან რამდენ ადამიანს დავარწმუნებდი, კიდევ კაცმა არ იცოდა. ყველაფერი ივანიშვილმა ხონჩით გვაჩუქა მეც და უგულავასაც“, - განაცხადა ოქრუაშვილმა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე