ე.წ. სამხრეთ ოსეთში კორონავირუსისგან ორი პაციენტი გამოჯანმრთელდა. ამის შესახებ ე.წ. ჯანდაცვის სამინისტრო იუწყება.

მათივე ცნობით, დანარჩენი პაციენტების მდგომარეობა სტაბილურია, უმეტეს მათგანს ტემპერატურა აღარ აქვს, პაციენტები ექიმების მეთვალყურეობის ქვეშ იმყოფებიან.

ე.წ. სამინისტროს ცნობით, დღეს ორკვირიანი კარანტინის პერიოდი დაუმთავრდა 87 ადამიანს, 248 კვლავ კარანტინში რჩება.

ოკუპირებულ „რესპუბლიკაში“ კორონავირუსზე ტესტი მთლიანობაში 935 ადამიანს ჩაუტარდა, აქედან ბოლო დღე-ღამის განმავლობაში - 115 ტესტი, საიდანაც ინფექცია არც ერთს არ დაუდასტურდა. სულ დაინფიცირებულია 34 ადამიანი.