ბრაზილიაში ბოლო დღე-ღამის განმავლობაში კორონავირუსის 20 803 შემთხვევა დადასტურდა და დაინფიცირებულების საერთო რაოდენობა 330 890-მდე გაიზარდა,- ამის შესახებ ინფორმაციას „სიენენი“ ბრაზილიის ჯანდაცვის სამინისტროზე დაყრდნობით ავრცელებს.
მათივე ინფორმაციით, ქვეყანაში ვირუსით 1 000-ზე მეტი ადამიანი გარდაიცვალა და დაღუპულთა რაოდენობამ 21048-მდე მიაღწია.
აღსანიშნავია, რომ დადასტურებული შემთხვევების რაოდენობით ბრაზილია მსოფლიოში მეორე ადგილზე დგას აშშ-ის შემდეგ.