აფხაზეთში სომხური სათვისტომოს თავმჯდომარე გალუსტ ტრაპიზონიანი სტანდარტების, მომხმარებელთა და ტექნიკური ზედამხედველობის ე.წ. „სახელმწიფო კომიტეტის“ ხელმძღვანელად დაინიშნა, - ამის შესახებ ინფორმაციას „სპუტნიკ-აფხაზია“ დე-ფაქტო პრეზიდენტის პრესსამსახურზე დაყრდნობით ავრცელებს.
მათივე ინფორმაციით, შესაბამის „განკარგულებას“ ე.წ.“პრეზიდენტმა“ ასლან ბჟანიამ ხელი 27 მაისს მოაწერა.
გალუსტ ტრაპიზონიანი აფხაზეთის ომის მონაწილე და ე.წ. „აფხაზეთის გმირია“.
2020 წლის თებერვალში ტრაპიზონიანი აფხაზეთში სომხური სათვისტომოს თავმჯდომარედ აირჩიეს.