გუგა ქაშიბაძის განცხადებით, ოკუპირებული აფხაზეთიდან დამწვრობის ცენტრში გადმოყვანილი 6 წლის ბავშვის მდგომარეობა სტაბილურია
ოკუპირებული აფხაზეთის ტერიტორიიდან თბილისში, დამწვრობის ცენტრში მოთავსებული 6 წლის ბავშვის მდგომარეობა სტაბილურია , - ამის შესახებ „ინტერპრესნიუსს“ კლინიკის ხელმძღვანელმა გუგა ქაშიბაძემ განუცხადა.
მისი თქმით, ისეთი სერიოზული დამწვრობისთვის, რომელიც ბავშვს აქვს მიღებული, სწრაფი გაუმჯობესება არ ხდება.
„ამ წუთას მდგომარეობა სტაბილურია, თუმცა, საკმაოდ სერიოზული დიაგნოზი აქვს, მოთავსებულია დამწვრობის ცენტის რეანიმაციულ განყოფილებაში და მიმდინარეობს მკურნალობა“, - განაცხადა ქაშიბაძემ.
6 წლის ბავშვი დამწვრობის ცენტრის რეანიმაციულ განყოფილებაში გუშინ მოათავსეს. ბავშვს დამწვრობა სავარაუდოდ, ადუღებული წყლით აქვს მიღებული.
