ფინანსთა მინისტრის მოადგილის განცხადებით, 64 მლნ ლარამდე დაიხარჯება პირველადი ჯანდაცვის, ასევე რესპუბლიკური და ინფექციური საავადმყოფოების შესაძლებლობის გაძლიერებისთვის

ფინანსთა მინისტრის მოადგილის, გიორგი კაკაურიძის განცხადებით, მიმდინარე წელს დამატებით 64 მილიონი ლარი დაიხარჯება ჯანდაცვის ინფრასტრუქტურის გაუმჯობესებისთვის. როგორც კაკაურიძემ საკოორდინაციო საბჭოს სხდომაზე, ანტიკრიზისული ბიუჯეტის პროექტის წარდგენისას განაცხადა, აღნიშნული თანხა საჭიროა, როგორც პირველადი ჯანდაცვის ნაწილში, ისე რესპუბლიკური და ინფექციური საავადმყოფოების შესაძლებლობის გაძლიერებისთვის.

„კაპიტალურ ხარჯებში დაახლოებით 64 მილიონი ლარი გვაქვს ჯანდაცვის ინფრასტრუქტურის გაუმჯობესებისთვის დამატებითი ხარჯი, რაც საჭიროა როგორც პირველადი ჯანდაცვის ნაწილში, ისე რესპუბლიკური და ინფექციური საავადმყოფოების შესაძლებლობის გაძლიერებისთვის. ასევე სოფლის მეურნეობის ნაწილში გათვალისწინებულია 10 მილიონი , რომელიც უკვე დაწყებულია. ესაა ტექნიკის და სარწყავი სისტემები თანადაფინანსება. სუბსიდიების ნაწილში ძირითადად არის ეკონომიკის მხარდამჭერი ღონისძიებები. აქ არის საკრედიტო-საგარანტიო ფონდი 330 მილიონი ლარი, სასტუმროების თანადაფინანსება, მცირე გრანტები, სასტუმროების მხარდაჭერა, სოფლის მეურნეობის მხარდაჭერა 115 მილიონი ლარის სუბსიდიით , მოქალაქეების საზღვარგარეთიდან გადმოყვანა და ასე შემდეგ,“-აღნიშნა კაკაურიძემ.

მისივე თქმით, მიმდინარე წელს მთლიანი შიდა პროდუქტი, 50.3 მილიარდი ლარი იქნება ნაცვლად პროგნოზირებული 53 მილიარდ ლარზე მეტისა. ამასთან, მთავრობის ვალი მთლიან შიდა პროდუქტთან მიმართებაში 55.7%-ით განისაზღვრა.

„ეს არის უფრო მეტი ვალის აღება წელს, ვიდრე ამ სცენარის რეალიზაციისთვის გვჭირდება, თუმცა ამ ვალის აღებას ვახორციელებთ, რომ ბიუჯეტი მზად იყოს უარესი სცენარისთვისაც,“-განმარტა კაკაურიძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა