ჯანმო-ს წარმომადგენელი - ჩვენს ხელთ არსებული მონაცემებით, უსიმპტომო ადამიანებისგან კორონავირუსის გავრცელება იშვიათად ხდება

უსიმპტომო ადამიანებისგან კოვიდ 19-ის გავრცელება ძალიან იშვიათად ხდება, - ამის შესახებ ჯანდაცვის მსოფლიო ორგანიზაციის წარმომადგენელმა, მარია ვან კერხოვემ, ჟენევაში გამართულ ბრიფინგზე განაცხადა.

„ჩვენ ხელთ არსებული მონაცემები ცხადყოფს, რომ იშვიათია უსიმპტომო ადამიანმა მეორე ინდივიდს ინფექცია გადასდოს. ეს ძალიან იშვიათია”, - განაცხადა მარია ვან კერხოვემ.

მისივე თქმით, ჯანდაცვის მსოფლიო ორგანიზაცია მუდმივად სწავლობს სხვადასხვა ქვეყნიდან მიღებულ ინფორმაციას იმისთვის, რომ ამ შეკითხვას მართებული პასუხი გასცეს.

„მრავალი ანგარიში გვაქვს იმ ქვეყნებიდან, რომლებიც კონტაქტებს დეტალურად იკვლევენ. ისინი უსიმპტომო შემთხვევებს მიჰყვებიან და ვერ პოულობენ მეორად გადაცემას. ეს ძალიან იშვიათია“, - დასძინა მარია ვან კერხოვემ.

მან აღწერა, თუ როგორ ვრცელდება კორონავირუსი წვეთების საშუალებით, რომლებიც, როგორც წესი, მაშინ გამოიყოფიან, როდესაც ვინმე აცემინებს ან ახველებს.

ცნობისათვის, აპრილში ჩატარებულმა კვლევამ აჩვენა, რომ ვირუსის გამოყოფა - ანუ დრო, როდესაც ადამიანები სხვა ადამიანებს აინფიცირებენ - შესაძლოა, კორონავირუსის სიმპტომების გამოვლენამდე 2-3 დღით ადრე დაიწყოს.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს