სომხეთის პრემიერ-მინისტრმა, ნიკოლ ფაშინიანმა რუსეთის პრეზიდენტის, ვლადიმერ პუტინის მიწვევა მიიღო და 24 ივნისს მოსკოვში, ფაშიზმზე გამარჯვების დღისადმი მიძღვნილ აღლუმს დაესწრება, - ამის შესახებ რუსულ მედიასთან საუბარში სომხეთის პრემიერ-მინისტრის პრესპიკერმა, მანე გევორქიანმა განაცხადა.

„24 ივნისს პრემიერ-მინისტრი ფაშინიანი მოსკოვში დიდ სამამულო ომში გამარჯვების 75-ე წლისთავისადმი მიძღვნილ სამხედრო აღლუმს დაესწრება“, - აღნიშნა ფაშინიანის პრესსპიკერმა.

ცნობისათვის, გუშინ სომხეთის პრემიერ-მინისტრმა განაცხადა, რომ სამუშაოს უბრუნდებოდა, ვინაიდან ის და მისი ოჯახის წევრები კორონავირუსისგან გამოჯანმრთელდნენ.