გურამ მაჭარაშვილი - კონსტიტუციის საწინააღმდეგო ჩანაწერს რეგლამენტში ვერ გავითვალისწინებთ

დღევანდელი მოცემულობით, ფრაქციის შესაქმნელად 6 პარლამენტის წევრის გაერთიანება არის საკმარისი. კონსტიტუციაში ცვლილებით ფრაქციის შექმნისთვის 7 პარლამენტის წევრის გაერთიანებაა საჭირო. ეს ჩანაწერი კონსტიტუციის 41-ე მუხლში არის, რომლის საწინააღმდეგოს რეგლამენტში ვერ გავითვალისწინებთ , - აღნიშნული განმარტება საპროცედურო საკითხთა და წესების კომიტეტის თავმჯდომარემ, გურამ მაჭარაშვილმა პარლამენტის პლენარულ სხდომაზე გააკეთა. მისი თქმით, ერთი და იგივე პოლიტიკური პარტიის წარდგენით არჩეულ პარლამენტის წევრებს უფლება აქვთ შექმნან მხოლოდ ერთი ფრაქცია.

„პარტიის მიერ კი არა, საინიციატივო ჯგუფის მიერ წარდგენილ მოქალაქეს, რომელიც გახდა პარლამენტის წევრი, და ასეთი შეიძლება იყოს შვიდი - ამ შემთხვევაში, ამის საწინააღმდეგო არაფერია რეგლამენტში ფრაქციის შექმნასთან დაკავშირებით. რაც შეეხება 1%-იან ბარიერს, ჩვენ ვიცით ეს რატომ გაკეთდა ერთჯერადად. კონსტიტუციის ცვლილებების დროს ფრაქციის შესაქმნელად პარლამენტის წევრთა რაოდენობა ექვსიდან შვიდამდე კი არ უნდა გაგვეზარდა არამედ, უნდა დაგვეწია სამზე. თუ ჩვენ ვთვლიდით, რომ 1%-იანი ბარიერის შემთხვევაში შეიძლება არსებობენ პოლიტიკური პარტიები, რომლებმაც 2 ან 3 წევრი შეიყვანონ პარლამენტში, ამ შემთხვევაში, სხვა პარტიებთან ერთად შეიძლება რომ გაერთიანდნენ, ამ შემთხვევაში ჩვენ მივიღებთ იმას, რომ სხვადასხვა იდეოლოგიის მქონე პარტიები, რომელთა ამომრჩევლებიც სხვადასხვა პოლიტიკური შეხედულების და გემოვნების არიან, შესაძლოა ერთ ფრაქციაში მოიყარონ თავი, რაც ეწინააღმდეგება კონსტიტუციის ჩანაწერის პრინციპს, რომელიც ჩვენ მივიღეთ“, - განაცხადა გურამ მაჭარაშვილმა.

გურამ მაჭარაშვილის განცხადებას საქართველოს პარლამენტი ავრცელებს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ