ცხინვალის ოკუპირებულ რეგიონში კორონავირუსის ორი ახალი შემთხვევა დადასტურდა. ე.წ. სამხრეთ ოსეთის დე ფაქტო რესპუბლიკის მთავარი სანიტარული ექიმის მოადგილის, ანა გაგლოევას განცხადებით, ორივე დაინფიცირებული რუსეთის სამხედრო სასწავლებლის კურსანტია და ისინი ცხინვალში ვოლგოგრადიდან დაბრუნდნენ.

ოკუპირებული ცხინვალის დე-ფაქტო ხელისუფლების ინფორმაციით, ე.წ. „რესპუბლიკაში“ სულ კორონავირუსის 68 შემთხვევაა დადასტურებული, აქედან 34 პაციენტი გამოჯანმრთელდა და საავადმყოფოებიდან გაეწერა.

ცნობისათვის, დე-ფაქტო პრემიერ-მინისტრმა ერიკ პუხაევმა დღეს გამართულ ე.წ. „ოპერატიული შტაბის“ სხდომაზე განაცხადა, რომ 1 ივლისიდან ე.წ. „რესპუბლიკაში“ საბავშვო ბაღები გაიხსნება.