ოკუპირებულ აფხაზეთში კორონავირუსის ახალი შემთხვევა დაფიქსირდა. ამის შესახებ სააგენტო „სპუტნიკი“ ე.წ. ოპერატიულ შტაბზე დაყრდნობით იუწყება.
ინფექცია კურსანტს დაუდასტურდა, რომელსაც უახლოეს საათებში გუდაუთის საავადმყოფოში გადაიყვანენ.
ამგვარად, ოკუპირებულ რეგიონში კორონავირუსით დაინფიცირებულთა საერთო რაოდენობა დღეის მდგომარეობით 37 ადამიანს შეადგენს. მათგან რვა ადამიანი გუდაუთის საავადმყოფოში უკვე იმყოფება, 27 გამოჯანმრთელდა, ერთი კი გარდაიცვალა.