გიგა ბოკერია სააკაშვილის განცხადებაზე - დიდი იმედი მაქვს, ეს უდროო ინიციატივა არ იქნება გამოყენებული საბაბად, მაჟორიტარებზე შეთანხმების ჩასაშლელად

დიდი იმედი მაქვს, ეს უდროო ინიციატივა არ იქნება გამოყენებული საბაბად, მაჟორიტარებზე შეთანხმების ჩასაშლელად, - ასე ეხმაურება „ევროპული საქართველოს” ერთ-ერთი ლიდერი, გიგა ბოკერია ყოფილი პრეზიდენტის, მიხეილ სააკაშვილის განცხადებას, რომელიც ოპოზიციურ პარტიებს ერთიანი საარჩევნო სიის შექმნისკენ მოუწოდებს.

როგორც ბოკერიამ ჟურნალისტებთან საუბრისას აღნიშნა, ეს ინიციატივა მხოლოდ ბიძინა ივანიშვილს შეუწყობს ხელს.

„პოლიტიკური ვითარების ორპოლუსიანად დახატვა აწყობს ბიძინა ივანიშვილს და მის გუნდს, ეს არის მათი ამოცანა და ის არ გამოხატავს რეალობას იმიტომ, რომ ოპოზიცია არის მრავალფეროვანი და ამომრჩევლის წარმოდგენებიც და პოზიციაც არის მრავალფეროვანი. ამიტომ არ უნდა შევუწყოთ ივანიშვილს ამ ამოცანაში ჩვენ ხელი. ის, რასაც ჩვენ ვთავაზობთ, მაჟორიტარებზე კოორდინირება და ცალ-ცალკე გამოსვლა, სწორედ ორივე ამოცანას პასუხობს. ამომრჩეველს საშუალება ექნება, ხმა მისცეს იმ პარტიას, ვინც მის იდეებს ქადაგებს და მეორე მხრივ, პირველივე ტურში დავამარცხებთ ივანიშვილს და რისკებს შევამცირებთ ჩვენი ქვეყნისთვის. მე დიდი იმედი მაქვს, ეს უდროო ინიციატივა არ იქნება გამოყენებული საბაბად, მაჟორიტარებზე შეთანხმების ჩასაშლელად, სადაც ძალიან ახლოს ვართ თბილისში ამ შეთანხმებასთან”, - განაცხადა ბოკერიამ.

ჟურნალისტის კითხვაზე, ოპოზიციის მორიგ შეხვედრაზე თუ აპირებენ ამ საკითხის დაყენებას, ბოკერია პასუხობს, რომ კატეგორიულად არ აპირებენ. მისი თქმით, „ვიღაცამ ისროლა იდეა, ეს იდეა არც განიხილება სერიოზულად არც ერთი სერიოზული პარტიის მიერ”.

რაც შეეხება ოპოზიციას შორის საერთო მაჟორიტარებზე შეთანხმებას, “ევროპული საქართველოს” ერთ-ერთი ლიდერი ამბობს, რომ “პროცესი მიდის კარგად”.

ცნობისთვის, საქართველოს ყოფილი პრეზიდენტი მიხეილ სააკაშვილი ოპოზიციურ პარტიებს ერთიანი საარჩევნო სიის შექმნისკენ მოუწოდებს. „ახლა არის სიტუაცია, როდესაც ყველამ უნდა გადავდოთ ამბიციები გვერდზე და გავაერთიანოთ მთლიანად ყველა ოპოზიციური ჯგუფი ერთიან სიაში - ეს არის ერთიანობის ყველაზე ზუსტი და სწორი ფორმა! ასეთია საქართველოს წინა გამოცდილებაც და ასეთია მსოფლიოს გამოცდილებაც,“ - აცხადებს სააკაშვილი.

იხილეთ ვიდეო

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის